رژێمی داگیرکەری سەهیۆنی ئەمڕۆ بەیانی هێرشی کردە سەر خانوو و خێمەی فەلەسیتنییەکان لە شاری خان یونس و لە ئەنجامی هێرشەکەدا ١٩ کەس شەهید بوون کە هەنێکیان منداڵ بوون و ژمارەیەکی زۆر کەسیش بریندار بوون.

رژێمی داگیرکەری سەهیۆنی خانووی خانەوادەی ئەلبەیرام لە شاری خان یونسی بە فڕۆکەکانی جەنگی بۆردومان کرد. لە ئەنجامی هێرشەکەدا ئایهان ئەحمەد تەمەن ٥٧ ساڵە، عەبیر ئایهان تەمەن ٢٣ ساڵە، محەمەد ئایهان تەمەن ١١ ساڵە، ئەلما یاسر تەمەن ١ ساڵە، ئەنعام محەمەد تەمەن ٤٤ ساڵە، هەبا زیدان ئەعساف تەمەن ١٩ ساڵە و سەیف عبدالرحمان سنوار تەمەن ١ ساڵە شەهید بوون.

لە ئەنجامی هێرش سەر خێمەی خانەوادەی ئەلقودرە لە خێمەگای پەنابەران سەر بە نەتەوە یەکگرتووەکان ژمارەیەکی زۆر کەس بریندار بوون.

هێرشێکی دیکە بە فڕۆکەی بێ فڕۆکەوان بۆ سەر خانووی خانەوادەی ئەبو خوجرەس لە خان یونس ئەنجام درا و لە ئەنجامی هێرشەکەدا ئافرەتێکی دووگیان شەهید بوو.

رژێمی داگیرکەری سەهیۆنی لە ٧ی ئۆکتۆبەری ٢٠٢٣ـەوە بەردەوامە لە هێرش و جینۆساید لە کەرتی غەززە و لە ئەنجامی هێرشەکاندا زیاتر لە ١٧٠ هەزار کەس شەهید و بریندار بوونەتە و زیاتر لە ١١ هەزار کەسیش بێ سەروشوێنن.(İLKHA)